NuBra Hong Kong

服務詳情

服務種類:
婚紗禮服及配飾訂購
整體評分:
整體評分 
4.5
4.5分
產品/套餐價格: 塑身內衣: HK$950 起

產品/套餐價格及詳情

暫未啟用

評語 提交評語

happybride 2017/08/14 18:53:27

之前有朋友prewedding時試戴過nuBra都覺得好,所以到自己要拍prewedding時就諗住去買嚟用。 雖然樓下喺蘭桂坊比較多人,但上到舖頭裡面就好大好靚,感覺都好舒適。一開始我都係自己睇吓有咩啱先,我覺得佢哋款式都好齊全,幾多選擇,之後我就去搵店員幫手推介一下。佢會問你想要咩效果,會唔會想要低胸或者係好勁嘅事業線,都會好清楚咁問你嘅要求,佢哋都好清楚自己嘅商品邊款會有咩效果。到想試嘅時候會,會有專人同你一齊入試身室幫手試。個試身室都好夠空間,就算2個人喺入面都會好有私人空間感。雖然係有人同我一齊入試身室,但話晒大家都係女仔,我有嘅佢都有嘛,所以都唔會尷尬。同埋其實我覺得有人入去幫手一齊試呢個過程真係好重要,因為反而可以好集中對住塊鏡咁教我點用先做到想要嘅效果。我覺得如果唔係咁仔細咁教我嘅話,未必可以達到最佳效果。

我記得serve我嗰個店員佢介紹商品時真係介紹得好好,佢同我一樣都好瘦,大家都好啱傾。除咗我本身想買嘅wedding用款式,佢就推介咗一款游水都可以用嘅沙灘NuBra,用完著bikini真係可以著得好靚,所以我都買埋。我覺得佢哋好俾到客人啱用嘅意見,而且幫我搵到適用嘅產品。不過如果可以買多啲有優惠就更好喇!

因為個nuBra有幾樣唔同嘅技巧係適合唔同嘅衫,平時都用到,例如著deep V衫時都可以用,可以唔只係prewedding用,所以喺影prewedding前我都已經用過好幾次。不過因為我唔係好識點樣戴先係最啱嘅效果,於是都返過去舖頭幾次請教佢哋。佢哋每次都好有耐心同細心咁教我點戴先啱,仲話無任歡迎我上去再問。

好在有佢哋嘅指導,到影prewedding嗰日自己就處理到了。我著嗰件婚紗係一字膊嘅lace款,所以用NuBra都係走elegant路線就夠晒。我揀嗰條裙好貼身,但即使用咗NuBra之後成個效果都係好自然,成條裙著出嚟都好靚。

雖然NuBra喺同類產品之中價錢係貴,但都真係有質素。我曾經都喺其他內衣店度買過類似嘅商品,但又無人教我點用,效果真係差好遠,所以都只係用過1-2次就無用了。NuBra佢一件商品可以有咁多元化嘅效果係其中一個我好欣賞嘅地方!

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
5
5.0分 (1 vote)
禮服質素 
5
5.0分 (1 vote)
價格適中 
4.5
4.5分 (1 vote)
商戶名稱
NuBra Hong Kong
所使用的服務 
婚紗禮服及配飾訂購
禮服/服務種類 
塑身內衣
婚宴日期 
2018/12/11
是次最終消費 
HK$ 

1450

lsling1018 2017/07/24 17:10:17

由於之前有準備結備結婚嘅朋友用過NuBra覺得好,推介我用,所以就搵一日上咗佢尖沙咀嘅門市度睇吓。佢哋舖面唔係好大,如果同時多幾個客人喺度嘅話就會比較逼,但當日咁啱都唔多人,所以就都幾舒服。上到去佢哋全部都係女嘅Sales,所以都唔會尷尬。

嗰日我去到之後佢哋俾咗個試著服務我,可以睇吓唔同款式嘅效果,再決定買唔買。主要嚟講,佢哋都係分返個size,同埋睇吓你想要貼身啲定push up效果。我嗰日都係同返啲sales講我係想買嚟著結婚禮服用,之後佢哋就因應我嘅身型,推介返邊款會比較啱我同埋著出嚟會比較好睇。有一位女員工同我一齊入試身室幫我試Nubra,始終大家都係女仔,所以感覺都唔會尷尬。佢主要係教返我咩角度同位置貼上身效果會最好。成個過程佢哋其實都唔會點sell我,都係等我自己諗吓啱唔啱用,感覺都好舒服。

其實我上去前都做過少少資料搜集,知道大約嘅價錢,所以試完之後覺得效果OK,就俾錢落訂。唯一一個小意見就係我覺得如果賣嘅時候可以連帶教定啲顧客可以點保養個NuBra就會更好,因為之前佢哋都同我講過話個Nubra可以重用大約80次,所以攞到貨之後我都好放心,不論出街定係去租衫都有用。可能係我當時唔係太知點保養個NuBra,我用過十幾次左右就覺得好似無之前貼力咁好。我之後都有返過去同店員講返,佢哋就教我點樣去洗,當時都真係學到點樣保養個NuBra。佢哋仲話如果之後都係貼力都唔係咁好,就可以再返去搵佢睇吓,服務好好有交帶。

整體滿意度 
4
4.0分 (1 vote)
服務態度 
4
4.0分 (1 vote)
款式選擇 
3.5
3.5分 (1 vote)
禮服質素 
4
4.0分 (1 vote)
價格適中 
3
3.0分 (1 vote)
商戶名稱
NuBra Hong Kong
所使用的服務 
婚紗禮服及配飾訂購
禮服/服務種類 
塑身內衣
婚宴日期 
2018/03/17
是次最終消費 
HK$ 

650

Cher 2017/03/03 17:56:21

其實我第一次用 Nubra 既時候就係我影 prewedding 時去 Rings Bridal 揀衫既時候,當時我試咗件婚紗, 老闆就話著婚紗嘅時候要夾埋個 NuBra 個感覺會好D,要著埋先可以 “perfect the look”。佢咁講我就就試啦,結果,着咗同唔着真係--- 好-唔-同!係變咗一個「女人」嘅分別!!!!我着完之後真係不自覺講句「原來我都係一個女人」! :)

呢度要提一提,其實NuBra有好多唔同嘅products俾你用嚟襯唔同嘅衫。而我第一次嗰個係for著婚紗用嘅,比較厚身。而另外一個係for一啲比較薄身質料嘅晚裝,因為如果着返我著婚紗時嗰個NuBra, 個 Bra 型就會响晚裝到突晒出嚟,咁就要講吓我買 第二個 NuBra 既經歷喇~:

其實影pre-Wedding嗰日,我係帶咗婚紗、條薄身紗裙晚裝同埋第一個厚身嘅 NuBra 去 Studio, 而因為之前未試過用我婚紗嗰 NuBra 同晚裝夾,一試就出事!呢個NuBra 同晚裝裙真係唔match,條裙太薄而個Bra型現晒出嚟!當時情況極急,我立即响set完頭嘅空檔時間飛去佢中環個專門店嗰度買。

佢哋 D staff都好幫忙,當時因為我都著住晒啲衫,所以佢哋都好容易搵到個適合我嘅Bra,又教我點戴。想講就係大家千萬唔好唔好意思,咪怕羞,因為其實佢哋係可以立刻幫你戴埋嘅,如果你怕羞嘅話就會學唔識喇~

想講吓就係間Shop裏面有一個好高私隱度嘅房比客人換衫嘅,啲Staff會好有禮貌係個房出面等你,佢哋好有禮貌咁話:「你介唔介意我入嚟幫你呀?」,「如果你ready嘅話我就入來幫你好嗎?」但因為我好趕,唔想浪費時間,我話你幫我搞啦。

試嘅過程你唔會覺得啲Staff昅住你,亦唔使擔心出面會有人見到你,因為店裏面嗰個空間真係設計得好好,令到客人可以好安心咁樣試衫,而佢啲staff响妳試既時候都好仔細咁同妳講解。而我就係响佢幫我着嘅過程,我就學識點樣戴,very good!!

我仲記得 big day晚宴嘅時候,我就用返第一個for 婚紗嗰個Bra。由於之前已經學識咗,所以當晚我就可以自己戴。而姊妹們同朋友見到都覺得個效果好好,我有個朋友仲特登 send 咗個message俾我話:「巨!!!!」

總括返着咗NuBra既效果, 上圍當然視覺上豐滿咗,但就絕對唔會覺得假。相反,我有兩個朋友之前結婚係用嗰啲咩「波波小姐」嘅嘢。而其實波波小姐個Bra裏面係有個pump,當你不停咁個制,佢就會不停越來越脹!!!佢個效果其實係好勁,不過真係over咗,好似導彈咁,實在太誇張喇!!所以到我結婚,我冇選擇用「波波小姐」。而我個人認為,NuBra個效果真係比較自然。

不過好多新娘子都好怕類似NuBra呢D product會癡得唔實,會跌出來,因為確實有好多類似嘅情況有出現過,啲新娘子戴咗D劣質假貨就會出事。所以佢哋就揀波波小姐,因為佢有條背帶,感覺上安全啲。但其實如果係正牌NuBra, 就唔怕有呢個情況出現,因為以我所知,佢係一個獨特科技,有個安全性喺度,其他產品想抄都抄唔足嘅,可能真係戴一次就唔得啦。但NuBra係一個特別嘅清潔劑,而用咗個清潔劑可以不斷重複使用,可以last 10年都可以。只要你好好保養佢,跟足說明書嘅指示每次用完後清洗,其實就好穩陣。所以我完全都冇驚過佢會跌。

唯一想講既就係佢哋既銷售點就真係唔算多,專賣店得中環同百利,如果可以多啲地方有得賣就更好了。

整體滿意度 
4.5
4.5分 (1 vote)
服務態度 
5
5.0分 (1 vote)
款式選擇 
4
4.0分 (1 vote)
禮服質素 
5
5.0分 (1 vote)
價格適中 
4
4.0分 (1 vote)
商戶名稱
NuBra Hong Kong
所使用的服務 
婚紗禮服及配飾訂購
禮服/服務種類 
塑身內衣
婚宴日期 
2016/12/16
是次最終消費 
HK$ 

750