Celia Makeup

服務詳情

服務種類:
化妝造型及美容
整體評分:
整體評分 
5
5分
產品/套餐價格: 化妝造型-全日: HK$7000 - 9999 起
化妝造型-部份時間: HK$3000 - 4999 起

照片集

產品/套餐價格及詳情

產品/套餐名稱: 
全日化妝髪型
產品/套餐價格 
HK$9,999/起
產品/套餐名稱: 
試妝費
產品/套餐價格 
HK$800/起

產品/套餐價格及詳情

產品/套餐名稱: 
早+全晚化妝髪型
產品/套餐價格 
HK$7,888/起
產品/套餐名稱: 
全晚宴會跟場6小時
產品/套餐價格 
HK$6,588/起
產品/套餐名稱: 
早+晚新娘化妝髪型兩次
產品/套餐價格 
HK$5,588/起
產品/套餐名稱: 
新娘化妝髪型一次
產品/套餐價格 
HK$3,988/起

評語 提交評語

vio tang 2017/04/11 18:48:54

我上網已經Search過好多結婚化妝師,亦都睇過好多reference,價錢有平有貴。我就同老公講啲人好似唔係好掂,share出嚟啲reference技術都唔得,睇極都唔鍾意。本身我哋租禮服間公司個package係有包埋化妝師俾我,但我一開始就已經決定係俾我姊妹化妝用而唔會自己用,自己就當然搵個專業啲既MUA啦。

好彩我搵左Celia,因為租衫公司個化妝師第一個幫我媽咪化,都 okay,始終老人家都冇咩好多變化。到我啲姊妹我就發覺開始越化越唔掂,我又唔係好敢出聲,因為個package入面唔係化我,係包姊妹親戚6個人咁。我就開始見到佢哋啲頭一pat pat,我見到姊妹拎住啲相俾佢睇,已經係好簡單,但係出嚟完全唔係嗰回事。我心入面已經覺得好唔對路,心諗好彩我當時冇去試妝。我啲姊妹都唔敢出聲,佢哋就好無奈咁接受左啲妝,一係就鴛鴦眼,一係個髮型一pat咁,我都有同佢哋反映,佢哋都有照執,不過執完好似冇執過咁。

到Celia嚟到,間唔時望下佢哋,都唔係好敢出聲。到我化好妝,大家都好滿意我個妝,跟住嗰班幫姊妹化妝嘅人走左之後,啲姊妹就開始抱怨啦,Celia就問佢哋:「咁你哋又唔同人講,有責任可以同佢講話『你化得唔好』架喎」。我啲姊妹就話唔好意思講。因為其中一個姊妹係我呀妹,佢就話:「唔得呀家姐,我一定要搵你個化妝師幫我化多次!」當時就係朝早,冇時間,大家趕住去斟茶,所以大家都唔係好願意上鏡,因為個妝唔靚。

Celia好好,同啲姊妹講話佢哋啲妝可以執得到,安慰我啲姊妹:「上完鏡之後就唔係好覺眼架喇,因為就咁望落去就好覺,影完相就冇咁覺。」之後Celia都好細心。其實我同Celia有分開一段時間,分左朝早同夜晚。朝早其實我好擔心我唇膏會甩色,因為我哋會食嘢飲水之類,又會相隔幾個鐘唔會見都唔會補妝,我就好驚會甩妝。到夜晚我都問Celia:「你用啲咩唇膏?點解唔甩色嘅?」Celia就話:「梗係啦,我就知道會甩妝,所以特登幫你揀隻唔會甩色嘅唇膏。」佢真係好細心,驚我哋會甩妝,就用啲唔會點甩嘅妝,連粉底都冇咩甩。

到晏晝四五點,我因為唔鍾意化住妝,所以返到屋企就卸妝,之後出現少少皮膚敏感嘅問題。我同Celia講,佢話:「唔緊要,我今晚換過第二隻俾你,嗰隻會好啲架。」到夜晚佢都俾左好多意見我,話咁樣襯唔係咁好睇,例如條裙藍色,可能個髮型唔洗咁誇張,婚紗白色的話髮型可以低調啲呀咁樣。

最後個妝佢幫我Set左一個復古嘅妝。我條裙就偏向復古,深紅色嘅,咁我就同佢講我個裝想偏向復古,佢都話:「冇問題絕對冇問題」,出到嚟效果全場都望住我話好靚。我奶奶都同我講,我呢個妝同呢個髮型係全晚最靚。

Celia 係一個非常好既化妝師,而因為呢一行競爭好大,如果佢想爭取更多知名度,可以再去外國進修,不斷提升更高既妝技巧。我好衷心希望佢可以再精益求精,保持佢既質素,為更多新娘化更靚既妝!

整體滿意度 
5
5.0分 (1 vote)
服務態度 
5
5.0分 (1 vote)
妝容質素/療程效果 
3.5
3.5分 (1 vote)
髮型質素/環境衛生 
5
5.0分 (1 vote)
價格適中 
5
5.0分 (1 vote)
商戶名稱
Celia Makeup
所使用的服務 
化妝造型及美容
禮服/服務種類 
化妝造型-全日
婚宴日期 
2017/01/06
是次最終消費 
HK$ 

8000