Red Bean Workshop

服務詳情

服務種類:
化妝造型及美容
整體評分:
整體評分 
5
5分
平均消費: 化妝造型-全日: HK$8000 起
化妝造型-部份時間: HK$8000 起

評語 提交評語

berenee 2017/02/24 08:12:50

我Big day嗰化妝師叫豆豆,佢係男仔嚟嘅。其實之前朋友結婚係搵佢化妝,我已經覺得佢化啲妝好自然,同埋set啲頭都好靚,當時已經諗住自己結婚搵佢架喇!

試完妝後,各樣嘢都好合我心意,所以都好快就confirm咗。佢都冇話好hard-sell,佢話我可以選擇試妝先,又或者俾完deposit先試妝都okay,depends on我咁。當日試妝佢都係根據我想要啲咩就盡量化,化完之後又話「唔緊要架你番去考慮吓先啦,你鐘意先再confirm啦」,唔會點樣push我。

到咗big day當日見到佢,佢係好企理,好準時就要早到添!本身約佢五點半,佢五點一二已經到咗酒店,叫佢食少少嘢先驚佢餓親,佢都冇食,跟住就好professional咁拎啲嘢出嚟幫我化晒先自己再出去買嘢食。我事前都有send個rundown俾佢睇,佢都跟得好足嘅,就冇話點overrun呀各樣嘢,咁但係佢overall係有少少慢,因為始終佢一個人做嘢,而又好仔細同埋要好完美先收貨,所以就會慢少少,可能到夜晚我都想出去同啲guest影吓相,但係因為要set頭呀各樣嘢就變咗冇咩時間去互動。我當晚係有三套衫嘅,我原本都冇expect過每換一套衫佢會幫我set一次頭,但係佢每次都堅持幫我換。我好滿意佢啲造型,係個個都讚,佢都有同我講番話好多人問佢攞咗咭片!

到最後俾錢佢都冇收到我extra,俾咗張單我list晒呢個for咩嘢嗰個for咩嘢咁,所有嘢都好老實。

佢同其他化妝師唔同嘅就係會同你傾計令你個人冇咁緊張,同埋會真係好尊重你嘅意見,例如佢去到一個位會問你「呢度o唔ok呀」﹑「呢度想唔想咁樣咁樣」,佢會make sure整出嚟你會鐘意。然後佢又會幫你諗你套衫襯啲咩嘢,你個樣又襯啲咩嘢,所有嘢都幫你諗得好仔細。搵男化妝師同女化妝師分別其實唔大,但係男反而好似仲細心啲咁。我上網都有睇過啲comment係話男仔化妝師化出嚟會比較自然啲,女仔有陣時反而會重手咗。我唔知係豆豆個人比較細心,定係overall嚟講係咁啦,但係唯一唔方便就係換衫嗰度,可能就要另外搵人幫你就要花多少少時間。

整體滿意度 
5
5.0分 (1 vote)
服務態度 
4.5
4.5分 (1 vote)
妝容質素/療程效果 
4
4.0分 (1 vote)
髮型質素/環境衛生 
5
5.0分 (1 vote)
價格適中 
4.5
4.5分 (1 vote)
商戶名稱
Red Bean Workshop
所使用的服務 
化妝造型及美容
禮服/服務種類 
化妝造型-全日
婚宴日期 
2016/09/17
是次最終消費 
HK$ 

8000

avispooh 2017/02/17 11:46:13

我朋友結婚時搵過豆豆做化妝師,嗰時我做姊妹,所以認識佢。當時我哋成班姊妹都話點解搵個男仔做化妝師,仲要手腳又有啲慢,但佢化嘅妝同set嘅頭真係好靚,而且超級細心!佢完全唔似其他化妝師,佢會全程攞住梳同spray跟實個新娘,一見你個妝有少少花咗,佢就即刻衝過去幫手整返好。嗰次我去做姊妹,個個都上晒車坐,佢就一直跟實個新娘,一見佢個髮型有少少鬆咗就去執返。我嗰時就話佢真係好強,連伴娘都做唔到嘅嘢,呢個化妝師就做晒!佢真係好細心,係我從未見過咁認真嘅化妝師,真係好好。佢手妝都非常好,好靚,每一個妝都襯到套衫。最後我哋當時做姊妹嘅人入面有3個big day都係搵返佢,因為佢真係好細心,實在太完美了。嗰時我好早就book佢,佢都俾咗友情價我。

試妝時,佢會事前叫我send一啲自己鐘意嘅妝俾佢先,之後先上去試妝。上到去時,佢唔會完全跟足你俾佢嘅參考圖,而係會幫你整一次接近但佢覺得較啱你嘅妝,再問你覺得鐘唔鐘意。另外佢有要求我結婚前一個星期要敷mask,同埋3日前一對新人都要上去修眉。

我覺佢比起其他化妝師手腳係慢少少,但都係接受到嘅範圍。當然佢係男化妝師就幫唔到你換衫,但我覺得我嘅姊妹都handle到晒,所以OK。總之妝同髮型方面佢都係處理得好好,再加埋細心,真係好完美!

整體滿意度 
5
5.0分 (1 vote)
服務態度 
5
5.0分 (1 vote)
妝容質素/療程效果 
5
5.0分 (1 vote)
髮型質素/環境衛生 
5
5.0分 (1 vote)
價格適中 
5
5.0分 (1 vote)
商戶名稱
Red Bean Workshop
所使用的服務 
化妝造型及美容
禮服/服務種類 
化妝造型-部份時間
婚宴日期 
2016/09/10
是次最終消費 
HK$ 

8000