Mayona Wedding Boutique

服務詳情

服務種類:
婚紗禮服租借
婚紗禮服及配飾訂購
化妝造型及美容
整體評分:
整體評分 
4.8
4.8分
整體評分 
0
0分
整體評分 
0
0分
產品/套餐價格: 婚紗禮服租借: HK$7820 起
提供禮服租借種類: 婚紗 晚裝 裙褂 新郎禮服 姊妹禮服 媽媽晚裝

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

評語 提交評語

Emil0428 2017/07/17 21:03:42

一開始認識到Mayona係因為行婚展。嗰時喺第1,2次去婚展所以都無買嘢,只係攞定啲單張。我都唔係每一間都有睇,係行過見到啲display款好似幾啱先會行過去望吓。印象中Mayona個Sales都幾好,都show到佢哋舖有好多款同唔hard sell。後來到真係要揀衫時我就搵返啲單張出嚟睇,再約咗上去舖頭試衫。

Mayona間店喺長沙灣嗰邊,所以相比其他中環銅鑼灣啲婚紗舖地方較大,環境舒服。上到去都係好似大部分婚紗店咁,可以免費試一件婚紗同一件晚裝。我覺得啲店員都好熱心介紹款式同埋啲價錢都合理。結果我喺Mayona睇啱咗一條婚紗,所以就落咗訂。但Mayona佢哋真係好好,我只係confirm咗一個晚裝嘅價錢就可以幫我hold一條婚紗。然後佢哋又同我講之後想租兩條裙的話就會俾返9折,會幫我保留優惠,即使唔係當日confirm都可以upgrade。相對其他婚紗舖真係比較flexible,唔會要你一開始落訂先有折。

不過其實後尾我去咗第二間婚紗度confirm咗另一條婚紗。我諗住我有證婚同晚宴2個部分,一條輕便啲又方便外影著都唔錯。(喺Mayona度訂嗰條比較Ball gown啲,無咁啱外影)於是我喺另一間又join咗一個一婚紗三晚裝嘅package。但係嗰間店confirm咗先好多嘢要再加錢,原本package唔係好貴,但最後加加下就變咗好貴。之後我心諗咁加法真係唔掂,就返Mayona再租多件晚裝。

雖然我confirm咗另一間,但係都仲係不停心大心細,都再去咗Mayona 3次。因為另一間加錢confirm就無得再轉,喺Mayona先俾我咁flexible。其實連我自己都覺得自己諗來諗去有啲煩,反而serve我嘅staff Yuki仍然好不厭其煩咁幫我,仲會俾意見我。佢唔會知道咗你唔喺佢哋度租埋就唔想理你,依然非常熱心,都好大方!例如我喺另一邊原本租一條敬酒用嘅晚裝轉咗租迎賓用嘅晚裝,Mayona嗰邊又要跟住改,因為啲顏色會唔同。Yuki知道之後都再攞唔同款同顏色俾我再揀。我同我好多結咗婚嘅朋友講起呢件事佢地都話仲俾我轉咁多次咁好。

而攞到啲衫都好乾淨,晚裝好啱身,唯一係件婚紗有啲鬆。其實我最後揀咗2件都係魚尾款,第一次fitting太緊,就決定放返鬆啲。但後來到結婚嗰日著落就有啲鬆,不過都OK嘅!(雖然都唔知係咪自己瘦咗:P)

其實開頭見Mayona Facebook唔係咁多like都有啲擔心,但佢哋真係用服務去令我放心。我自己之後都推介咗Mayona俾好多要結婚嘅朋友。

整體滿意度 
4.5
4.5分 (1 vote)
服務態度 
4.5
4.5分 (1 vote)
款式選擇 
4
4.0分 (1 vote)
禮服質素 
4
4.0分 (1 vote)
價格適中 
5
5.0分 (1 vote)
商戶名稱
Mayona Wedding Boutique
所使用的服務 
婚紗禮服租借
禮服服務種類 
婚紗
晚裝
婚宴日期 
2016/04/28
是次最終消費 
HK$ 

5500

FebFeb224 2017/07/02 20:54:07

其實家姐早三年前結婚就係join呢間公司租衫,作為佢呀妹我當時都有陪佢去試衫fitting,當時已經對呢間婚紗公司好深刻印象,所以到我自己結婚嘅時候都叫做諗都冇諗就睇咗呢一間先。我第一間就係睇呢間,我自己心目中係諗住如果價錢ok,就唔洗花多眼亂可以confirm。我家姐結婚嘅時候陪佢試衫已經覺得佢啲衫好有質素,啲staff又好nice好helpful,所以有好好嘅印象。我自己都做過好多朋友嘅姊妹,陪佢哋去過好多唔同哋方試衫,但係呢間係試衫或者成個過程都係好positive。

好老實講,每間公司都好想你瞭解完就confirm,但係佢哋都好係因為我係搞lunch,要唔哂佢哋最衫俾我嘅package咁多衫,後尾佢知道我嘅concern,知道原先sell俾我嘅package唔係咁適合我,就提供咗另一個適合啲嘅package俾我。所以都唔係話點都要焗你哽咗佢嘅package。Serve我嘅叫Yuki,佢好nice好有禮貌;其實嗰時我家姐結婚都係Yuki幫手,我同家姐諗住去婚展望下睇下佢仲喺唔喺度,一行到埋counter佢已經認得我哋兩姊妹,我同佢講話我準備結婚,佢又好開心,又同我哋傾下計,睇下我有咩需要,再提供我需要嘅服務俾我。

佢哋冇試衫費或者限住你幾多件,俾咗錢就可以任試。我自己唔係嗰啲好slim嘅身材,佢哋都會因應我嘅身型,提供一啲我著得好睇嘅衫嘅建議俾我。當然,有啲款我都想試下效果係點,佢哋都會俾我試。一路揀衫試揀過程都順利。

佢哋嘅場哋環境都係我prefer呢間公司嘅原因。因為其他租衫公司好多時都係有個fitting嘅房,幾pair新人一齊share,你出我入咁樣;但係呢度係每個booking係嗰pair新人就係用嗰個area同fitting,唔會話同其他新人一齊換衫咁尷尬,因為女仔有時都唔想俾陌生人睇到自己著比較性感,所以我覺得佢哋試衫嗰個私隱做得好好。

佢哋final fit嘅時候都會問返我會唔會著girdle或者nude bra,會問返我打底嘅裝束係點,跟住再幫我改到fit我身,改完好fit。我覺得佢哋衫係好乾淨,據我所知我租件婚紗我係第一個著,佢哋當時同我講話未租過出街,件衫都真係好白淨好靚。有一種感覺係著咗上去唔想除返落嚟!事後都有朋友話我件婚紗好靚,問我喺邊度租。

其實我覺得佢嘅同事真係好專業,好有經驗。其實我而家揀呢條婚紗係一路都無喺我腦海出現過嘅款式。我本身一路都諗住要著Low cut,但係我最後件婚紗係一字膊,我從來都冇諗過自己要著一字膊婚紗。但可能試咗幾次衫之後,Yuki會睇到我鍾意啲咩類型、咩喜好、件婚紗有咩特色,呢件婚紗就係佢推介俾我,我一試上身就confirm要租呢件。

其實佢哋D衫咁靚,我覺得佢哋可以搵個再大啲嘅哋方,再多啲fitting位置同再請多啲同事。好老實講,喺我眼中佢哋生意好好,可能每對新人要夾時間同佢哋試衫比較難就。同埋每次上到去見到佢哋陪啲客試衫,係試到冇得食飯,由朝做到晚,咁我都會覺得D staff 好辛苦。如果佢哋公司搵個大啲嘅哋方再請多啲同事,就會再理想啲,咁同事亦都唔洗太辛苦。好多時我上到去,佢哋四、五點都可能未食飯,所以好多客都會買嘢食上去俾佢哋頂住下肚。

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
4.5
4.5分 (1 vote)
禮服質素 
5
5.0分 (1 vote)
價格適中 
5
5.0分 (1 vote)
商戶名稱
Mayona Wedding Boutique
所使用的服務 
婚紗禮服租借
禮服服務種類 
婚紗
姐妹禮服
媽媽晚裝
婚宴日期 
2017/02/24
是次最終消費 
HK$ 

5000

HenryL 2017/06/19 08:37:14

我哋影pre-wed 嘅Chris Ling同Mayona喺香港係同一間office,因為我哋想avoid一站式嘅vendor,所以冇即刻揀佢哋。不過去到好後期,我哋決定揀Mayona。因為我哋見到佢哋俾我哋試pre-wedding啲衫咁靚,所以再喺返婚展搵佢哋傾。咁啱就係佢哋designer Fiona sell我哋。Fiona好好,因為我哋有自己一套嘅要求,佢都好滿足到我哋,好開頭已經同我哋講話佢其實係designer,有好多嘢都可以幫我哋fine tune,而事實經過咁多次試衫揀衫嘅過程,佢真係可以幫我哋改款之餘仲跟得好足,佢有啲位亦都幫我哋細執。

其實我老婆套衫就好少搞,但係譬如奶奶同岳母衫有啲膊頭位,套衫本來係直膊嘅就變咗一字膊,或者調返轉,佢都隨時幫我哋改,因為呢啲都算係大改動,佢都肯幫我哋改。太太都覺得Mayona嘅衫係100分,好多件衫佢都真係好鍾意。我太太前前後後試咗四次衫,每次試完之後揀啲衫都同之前嗰次唔同哂,總共試咗五六十套衫。佢哋實在太好,計埋奶奶岳母同埋我,分分鐘試咗一百套。無論係服務定價錢都無可挑剔,真係值得推介。

佢哋啲衫好乾淨,度完身我哋仲會有final fit,如果有少少位係唔舒服或者唔稱身,佢即刻就幫我哋改,即場有個整衫師傅幫我哋整埋,可以即刻拎走,完全唔會delay你嘅schedule,你知多數big day前一日拎衫,會好忙,佢哋已經安排好人手喺度幫你跟進,總之你著上身嗰吓係perfect。

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
5
5.0分 (1 vote)
禮服質素 
5
5.0分 (1 vote)
價格適中 
5
5.0分 (1 vote)
商戶名稱
Mayona Wedding Boutique
所使用的服務 
婚紗禮服租借
禮服服務種類 
婚紗
晚裝
新郎禮服
媽媽晚裝
婚宴日期 
2017/04/14
是次最終消費 
HK$ 

12500

YH228 2017/05/29 21:06:18

因為我之前pre-wedding都係搵佢哋,當時係Staff Kira幫我嘅,佢嗰時好好,喺我pre-wedding揀衫嗰度俾咗好多意見我,之後都有留意佢哋big day嘅衫,我都有睇過覺得ok,影完之後好快就決定big day都喺呢度租。我都有睇過其他公司,不過覺得Mayona嘅衫同service都ok所以決定搵返佢哋。佢都冇特別sell我,係叫我揀返啲自己適合嘅衫先,如果要額外再加衫就可以差唔多到big day先再加都ok,唔會一下子叫我join個貴啲嘅plan先。

當日我都去試咗幾個鐘。有啲店係俾你試幾件就要你盡快落決定先有折扣,但當日我試咗好多衫,真係ok先俾錢,當中冇任何壓力,亦都冇試衫費。我一book佢哋時間,上到去佢已經會拎哂啲新款俾我試。拎衫嘅時候都好快。最怕係有啲婚紗公司只係預兩個鐘頭俾你試,但佢哋俾我嘅時間好充裕,真係我book咗嗰個時間,一路到我走都係一對一,可能我試三、四個鐘都冇任何面色俾我睇,改衫都好快。我都好鍾意自己wedding嘅衫,佢哋拎得出嚟都係中咗我鍾意嘅款。

還衫嘅時候,因為我租佢幾件都係全新嘅衫,有一件係因為我big day當日嘅哋氈整到佢染咗色,係有機會有收返費用。佢哋都話唔希望我要俾錢,盡量叫姐姐逐啲逐啲去抹,都冇額外收我錢。出面人哋都有機會要收返你錢,但佢都冇收我額外錢。我好滿意佢哋D衫同服務,所以我之後都介紹D朋友去租衫!

整體滿意度 
4.5
4.5分 (1 vote)
服務態度 
5
5.0分 (1 vote)
款式選擇 
4.5
4.5分 (1 vote)
禮服質素 
5
5.0分 (1 vote)
價格適中 
4.5
4.5分 (1 vote)
商戶名稱
Mayona Wedding Boutique
所使用的服務 
婚紗禮服租借
禮服服務種類 
婚紗
晚裝
婚宴日期 
2017/05/10
是次最終消費 
HK$ 

6200

macylaw82 2017/03/22 19:09:35

Mayona係朋友介紹嘅,我參加一個朋友嘅wedding,見佢啲衫都好靚,之後我就問番朋友個禮服公司係邊一間,咁我就搵咗嗰間喇。我決定結婚同big day之間得半年,中間都有compare過其他公司,都試過幾間婚紗店。其中一間係Anovia,不過佢哋安排太多人一齊睇,亦會chur你換衫快啲,而啲sales姐姐都okay嘅,但係啲衫就唔係好啱我style。

而Mayona嘅sales姐姐就好好,俾ipad我睇,但係ipad嘅款就唔係好啱,咁佢地就攞咗好多唔同style嘅款俾我。我之前係想搵簡單嘅款,去到最後佢地說服我搵一啲grand啲sharp啲嘅禮服。我喺其他店都係試啲簡單款,因為我自己係比較瘦,咁我覺得佢地啲簡單款唔係好啱我呢啲咁瘦嘅,我睇ipad人地著得好靚,但係試上身可能太有骨感﹑撐唔起件衫嘅感覺。Mayona俾我嘅意見都係叫我嘗試吓,有時候可能睇同著上身感覺係唔一樣。試完佢地介紹嘅款式,發覺原來我都carry到,最後我租左一件婚紗﹑兩套晚裝﹑一套新郎禮服同埋兩套晚裝俾媽媽。套婚紗真係好靚,佢係一字肩,係閃嘅但唔會好浮誇! 當時都係試左三兩件就搵到,自己著上去個笑容已經表露咗出嚟。另外晚裝都係由一啲好簡單嘅款開始揀起,一件敬酒一件迎賓。敬酒嗰件係紅色為主嘅,都係揀左兩三條就覺得「係佢喇!」

佢哋真係係好細心,一啲就知我鐘意啲咩。可能見我平時啲衣著係casual wear,咁可能就會由一啲好簡單嘅款開始同你介紹起。好似我媽媽咁,佢係好鐘意啲首飾嘅嘢,著到好bling bling咁,佢地就介紹啲好bling bling嘅俾佢,可能就係因為咁樣大概知道我地嘅style。

之後,迎賓嗰件我想轉款,因為睇睇吓又好似簡單得滯,就轉番件可能grand啲嘅。當時係我自己主動打去轉,佢地都係歡迎嘅。

結婚前final fitting佢地都好好,會再叫我地上去度一次身,跟住結婚前一日再去做final fit咁。Fitting嘅空間都係舒服同埋好大嘅,但係燈光比起其他婚紗舗可能會暗左,可能光啲會睇得再清楚啲。改衫方面都好好,可能佢地都要改得比較多,我之前都有啲擔心啲珠片摺埋會變左一舊野咁,但係結婚前一日去拎番佢地都係改得好好嘅,啲衫亦都係乾淨。最後著出嚟都好靚,特別係啲首飾同埋條迎賓裙條bling bling肩帶好靚。我件婚紗本來係諗住襯皇冠,之後佢地唔知點解知道左就好主動話借埋個皇冠俾我!

而還衫時,佢哋都係check吓有冇漏同埋check埋啲衫,check完冇問題都好快走得。

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
4
4.0分 (1 vote)
禮服質素 
5
5.0分 (1 vote)
價格適中 
4
4.0分 (1 vote)
商戶名稱
Mayona Wedding Boutique
所使用的服務 
婚紗禮服租借
禮服服務種類 
婚紗
晚裝
新郎禮服
媽媽晚裝
婚宴日期 
2017/01/14
是次最終消費 
HK$ 

8000

頁面