Alisha & Lace Hong Kong

服務詳情

服務種類:
婚紗禮服租借
婚紗禮服及配飾訂購
整體評分:
整體評分 
4.5
4.5分
整體評分 
0
0分
產品/套餐價格: 婚紗禮服租借: HK$15313 起
提供禮服租借種類: 婚紗 晚裝 姊妹禮服

照片集

產品/套餐價格及詳情

暫未啟用

產品/套餐價格及詳情

暫未啟用

產品/套餐價格及詳情

暫未啟用

評語 提交評語

sweet2017 2018/02/20 23:11:45

我揀婚紗既時候係Dubai住,係個度唔興租婚紗,興買既。雖然我當時都知道即將會搬返香港,但我都有係個邊睇住先,咁啱見到條我好鍾意,就影咗相。後來返黎香港,都係主力睇啲買婚紗既店舖,但我本身睇啱既個條裙個brand香港係無既,得美國同英國嗰啲地方先有得買,本來我諗過叫朋友係美國買返黎,不過最後都冇。我其實就唔太鍾意香港啲舖頭試婚紗要比錢,有啲仲限住試幾多件,而且因為我既身型就比較curvy,所以香港婚紗就唔係好多啱我呢種身形既女仔著。之後俾我見到Alisha,我見佢啲款就比較特別同性感,所以就上去睇。

佢個陣啱啱開咗無幾耐,啲staff都好nice好啱傾!佢會拎覺得適合你既衫比你任試,唔會限你試幾多件。我好直接話我係Dubai搞婚禮,所以我都唔會係租三日兩夜咁短,而係一段時間,而佢地都話價錢都唔會平。雖然我試咗一個鐘,但其實都唔係好岩。由於我wedding係西式既,唔會著褂同晚裝,只要一件婚紗就ok,所以我就拎咗我係Dubai影咗啱心水既個件婚紗既相比佢睇,問佢地有冇差不好既款。出乎我意料,佢地竟然話佢地台灣有廠,好willing話睇下可唔可以幫我做出黎,其實我得幾張相,所以佢地做出黎都唔係話exactly一模一樣,但我都已經好滿意~~而且價錢其實仲平過我叫朋友係美國或者係Dubai買。

之後再問下其他option,佢話佢地願意做完條裙租返比我,唔一定要我買,因為其實條裙係好大條,我都覺得其實買完返黎都係擺係屋企,平時都好少話會拎出黎著,所以我最後都係決定租instead of買咗佢。雖然咁樣既價我覺得一定係貴過租裙,但at least係我自己鍾意既款!雖然係做既過程入面好煩覆複,因為佢經常會係台灣拎啲布同製成品黎比我睇。當然過程中有時候係wrong direction,中間有一次係條裙做出黎個身形唔啱我,佢地就即刻將成條裙再拎返台灣整多次,個陣係新年,但佢地都即刻幫我整。而且designer Alisha仲係台灣飛過黎,拎我條裙過黎比我,覺得佢地真係跟得好足,同埋佢地態度都真係好好!

整體滿意度 
4
4.0分 (1 vote)
服務態度 
4.5
4.5分 (1 vote)
款式選擇 
3.5
3.5分 (1 vote)
禮服質素 
4
4.0分 (1 vote)
價格適中 
4
4.0分 (1 vote)
商戶名稱
Alisha & Lace Hong Kong
所使用的服務 
婚紗禮服租借
禮服服務種類 
婚紗
婚宴日期 
2016/11/27
是次最終消費 
HK$ 

22000

Serene Leung 2017/10/29 13:05:03

Alisha&Lace係我朋友介紹嘅,因為佢覺得佢地啲裙quality好好。其實我都有睇過好多其他公司,都揀到好苦惱,因為其實每個女仔心目中都有自己覺得著得靚嘅衫,但去到試總係又覺得唔係嗰個感覺,無自己想像中咁好睇。不過去到Alisha試衫,佢哋啲裙真係令人著得好好睇,本來我完過冇諗過自己會著魚尾裙,但我去到試完真係出乎意料之外咁靚!因為唔係咁容易搵到自己著得靚既衫,所以最後就揀咗佢地。

佢哋店面都好乾淨,好寬落,一啲都唔會覺得迫夾。而且佢地係預咗時間比我,所以唔會overlap咗其他客人。佢地屬於顧客主導多啲既,不過都會俾意見我地,亦會介紹其他佢覺得適合既款俾我。最好就係佢哋唔會特別sell我要幾多條裙,無特別push我。揀咗衫之後,我見到佢地嘅website upload咗新款好靚想轉款,佢地都話可以,不過可能要加少少錢。佢哋啲裙真係好靚,不過如果款式可以再多啲就更好!比如我媽咪見到咁靚都想租一件,但佢地就無咩媽咪衫,希望佢地以後會有多元化啲既款式。

本身我啲衫係要big day前一日先拎得,但因為我final fitting嘅日子係big day前幾日,因為唔想我上多一次去攞衫,佢哋都好好俾我嗰日拎埋衫。而拎衫嗰日,有一件事令我印象好深刻,因為我件婚紗係長袖蕾絲款,本來我都冇為意隻袖,但佢哋見到隻袖唔係咁fit,所以佢地幫改到完全fit我size先比我拎走,見到佢地對婚紗真係好有要求,唔靚就唔會俾件衫佢出去見人!Big Day當日,竟然有個朋友朋友睇得出,話我婚紗隻袖係好貼身,size真係好fit,所以呢個位真係要大讚!!!

整體滿意度 
4
4.0分 (1 vote)
服務態度 
5
5.0分 (1 vote)
款式選擇 
4
4.0分 (1 vote)
禮服質素 
5
5.0分 (1 vote)
價格適中 
4
4.0分 (1 vote)
商戶名稱
Alisha & Lace Hong Kong
所使用的服務 
婚紗禮服租借
禮服服務種類 
婚紗
婚宴日期 
2016/01/18
是次最終消費 
HK$ 

21000

Michelle 2017/10/07 23:05:00

我係睇Facebook俾Alisha & Lace啲lace吸引到,因為我比較鍾意歐美式嘅婚紗,結婚之前都係咁loop Facebook嚟睇,都有比較,見到佢哋嘅衫都覺得ok,好鍾意。我其實一路都有睇好多唔同舖頭,不過真係上過去嘅就有三間,其中一間喺中環好似叫karl,比較仙女feel啲嘅,不過上到去同睇facebook係兩回事。佢哋嘅衫係平,但係上到去好似金都feel,但係我係要靚唔係要平,上到去睇咗一兩件就走咗。

上到去Alisha & Lace舖面覺得好舒服,好有私隱度。因為佢係每次最多都係接待兩pair人,所以佢個感覺係對客好好service,好專心咁幫你。佢哋試衫係要約時間,上咗去第一次我係去睇婚紗先,我睇中咗,不過件衫冇期。Sales Mimi就好好,話幫我問吓台灣嗰邊有冇,如果有就可以寄過嚟,我覺得佢真係好有心幫我check。過咗冇幾耐,佢就覆咗我台灣嗰邊有,佢哋真係特登幫我搵件衫返嚟,感覺好有誠意!之後,佢哋問我有冇興趣上去睇多次,因為我第一次上去就冇睇到晚裝,佢就叫我上去睇吓有冇啱,有就可以計返package。我聽完覺得都ok,所以就上咗去睇多次。

佢哋唔會太Hard sell,都係睇返新娘子鍾唔鍾意。其實一著件衫上身,自己都feel到件衫啱唔啱你,佢哋唔會件件都話靚;因為之前我去中環第二間試,啲sales係件件都話好靚。我自己都做sales,我會知Alisha & Lace呢間公司嘅人係真係想你件衫著到好靚出場。一生人一次,應該要係咁!

其實我自己都睇咗好多結婚嘅資料,結完婚啲friend問我去邊揀衫,我都會recommend Alisha & Lace,佢哋啲sales真係ok,好nice。佢哋會介紹你啱嘅嘢,唔會係又叫你試唔係又叫你試。因為我都算係炆炆哋睇婚紗,又唔知咩style啱自己,佢哋都會同我一齊睇一齊試,唔會趕時間,真係用心去幫我。我上咗去兩次,另外一次有啲friend陪我上去,都問我哋係問本身識,點解會咁friend。佢哋真係好好!

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
5
5.0分 (1 vote)
禮服質素 
5
5.0分 (1 vote)
價格適中 
5
5.0分 (1 vote)
商戶名稱
Alisha & Lace Hong Kong
所使用的服務 
婚紗禮服租借
禮服服務種類 
婚紗
晚裝
婚宴日期 
2016/12/24
是次最終消費 
HK$ 

15000

yiupriscilla 2017/09/06 14:03:36

因為我好清楚自己想要啲咩,我係鍾意啲simple elegant嘅款,有啲lace,但又唔係好公主feel好可愛型嗰啲,所以當我喺facebook上面睇到Alisha & Lace啲款就揀咗佢哋。

佢哋門市喺銅鑼灣,地點都好就腳。佢有個大房係試衫,出面啲擺衫嘅位全部都係舒適、寬敞,成件事係好舒服。而喺試衫過程,佢哋都冇sell我,試完我就confirm。試衫費方面,佢哋做緊promotion,facebook share再tag 3個人就可以有free trial,但係我唔需要,因為都已經諗住直接租。Serve我嘅係Mimi同Connie媽,佢哋好好,我哋第一次見面都已經好投契,大家好似朋友咁。嗰日除咗試衫,我仲約埋試妝,因為佢哋partner咗幾個化妝師,我就揀咗其中一個,去到試妝,試完就試埋衫,一日就搞掂哂!

我租咗pre-wedding同big day衫,佢哋啲衫真係好新淨!Big day嗰條裙就係貼身,tube,小小mermaid,唔係束實嗰啲,純粹係收一收腳。Pre-wedding我租咗兩條裙,其中一件係兩著,加多件accessory就好似笠咗件背心,就變咗上面有少少企領;另外一條係黑色長裙,好似晚裝咁。因為我係去台灣影pre-wedding,佢哋包裝得十分好,我拎上機都好方便。反而我男朋友租嗰間就麻麻地,個袋會令到件衫喺入面浮嚟浮去,唔似得Alisha嗰個係fit哂容易carry。

我拎衫嘅時候都有final fitting,因為我都減咗好多磅,著上身完全係理想嘅效果。還衫嘅時候都好簡單,因為Connie媽都勁nice,上到去都係check一check,大家都好互信,好快就還完。成個過程都好smooth。

其實我覺得揀pre-wedding衫最重要係知道自己想要咩,如果唔係就心大心細,又擔心揀錯。因為我都陪過friend去試好多間,都仲係心大心細,有時試得多反而仲亂!所以知道自己想要咩真係好重要!

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
5
5.0分 (1 vote)
禮服質素 
5
5.0分 (1 vote)
價格適中 
5
5.0分 (1 vote)
商戶名稱
Alisha & Lace Hong Kong
所使用的服務 
婚紗禮服租借
禮服服務種類 
婚紗
晚裝
婚宴日期 
2017/05/09
是次最終消費 
HK$ 

11000

Misseymocha 2017/08/04 16:51:15

我自己係鍾意比較外國Style嘅婚紗,之前都搵過,不過好貴。上年二月我去行婚展,雖然婚展都有好多婚紗,但真係唔係我嘅style。我去睇婚展嘅時候Alisha & Lace係啱啱開始,仲未開店。我同Connie,Mimi 傾咗一陣,都覺得佢哋啲衫好啱我嘅style。於是我同佢哋預約,等佢店面開咗之後再上去。

因為當時我落單,佢哋都未開店,所以亦都冇話要俾訂,就淨係約咗上去睇。我見到佢哋現場都有啲衫,我都覺得ok,就去試下。其實我好鍾意佢哋店面,佢哋銅鑼灣嗰度好光猛好開揚,好大,試身室都好舒服。感覺佢哋唔會好似一啲婚紗店咁密密麻麻,會揀得好辛苦;同埋我自己有啲選擇困難,所以我覺得佢哋provide啲衫都係啱啱好,揀得好舒服。而且Connie,Mimi兩個都好helpful,都會跟我身型揀衫俾我,整體嚟講都係好舒服,好似大家傾計咁,知我想要啲咩嘢都會即刻搵俾我。唔知係咪因為啱啱開店,佢哋完全都冇push過我要join咩,成個過程都係好舒服。

我其實係喺Bali結婚,之後我再返香港擺一個banquet。通常租衫都係三日兩夜,佢哋好nice咁俾我借足成個禮拜。嗰時佢哋都係新店開張,所以可能都flexible咁俾discount我。同埋啲衫佢幫我改到好fit好貼身,有啲珠片比較難整佢都整得好,亦都好準時俾到衫我。

Alisha & lace係行比較高貴嘅路線,我覺得佢哋而家嘅衫都好夠,好靚!不過可能某啲身型或者style嘅女仔未必適合,如果佢哋考慮再入啲多元化少少嘅衫,相信可以再多啲客源,。

整體滿意度 
5
5.0分 (1 vote)
服務態度 
5
5.0分 (1 vote)
款式選擇 
5
5.0分 (1 vote)
禮服質素 
5
5.0分 (1 vote)
價格適中 
5
5.0分 (1 vote)
商戶名稱
Alisha & Lace Hong Kong
所使用的服務 
婚紗禮服租借
禮服服務種類 
婚紗
晚裝
婚宴日期 
2016/09/25
是次最終消費 
HK$ 

20000

頁面